Treinamentu kona-ba manutensaun no prestasaun servisu nian ba kadeira roda

20-04-2016 08:46

                                                        

Husi inisiativa Centro Nacional de Reabilitação (CNR) ho apoiu ba organizasaun Motivation Australia, hala´o iha CNR treinamentu ida kona ba manutensaun no prestasaun servisu nian iha Kadeira roda nian. Inisiativa ida ne´e hala´o iha loron lima to ´o loron 14, fulan abril, tinan 2016, ho partisipasaun tékniku sira balun iha área klínika nian.

 

Treinamentu ida ne´e mak dinamiza husi formadór Sra. Andrew Congdon ne´ebé iha ligasaun ho organizasaun Motivation Australia,  kontempla komponente rua: komponente teóriku iha semana dalahuk no komponente prátiku durante semana dalarua.

Eventu ne´e nia objetivu prinsipál atu fó kapasidade ba profisionál sira hodi dezenvolve kompeténsia ba métodu no téknika análize nian, observasaun, avaliasaun no intervensaun atu fornese kadeira roda manuál sira ne´ ebé adekuadu.

 

Treinamentu ida ne´e trata konteúdu hirak ne´e:

  • Avaliasaun ba uzuáriu iha kadeira roda nian hodi fornese kadeira roda manuál ida ne´ebé adekuadu;
  • Buka solusaun atu identifika mudánsa mesak ba kadeira roda sira hodi bele ajuda no garante haloos di´ak liu;
  • Halo akompañamentu no manutensaun báziku ba uzuáriu iha kadeira  roda nian.

 

 

Voltar