Serimónia despedida ba foin sa´e estajiáriu husi Austrália

Serimónia despedida ba foin sa´e estajiáriu sira husi Australia.

Estudante sira ne´ebé mai husi Universidade Queensland, Austrália, iha Centro Nacional de Reabilitação husi loron 13, fulan Abril, tinan 2015, iha ámbitu protokolu ne´ebé asina tiha entre instituisaun rua. Durante ninia estadia, foin sa´e estajiáriu sira husi kursu reabilitasaun iha área fisioterapia, terpia okupasionál no terapia koalia troka esperiénsia ho kolaboradór sira CNR nian no hala´o workshop ida kona ba “Estratejia sira ba atendimentu iha área reabilitasaun fíziku”.

Tuir diretór, workshop ida ne´e ninia objetivu maka hametin koñesimentu sira kona ba ita-nia tékniku sira iha área reabilitasaun. Ikusliu, hala´o sesaun ba enseramentu ne´ebé CNR organiza tiha ba estajiáriu sira. Serimónia ida ne´e partisipa tiha funsionáriu sira hotu husi sentru no diresaun. Ikusliu, ekipa estajiáriu nian entrega ba participante ida-idak sertifikadu ida kona ba workshop.